الجمهرة.... ....

ايه بالله اخطو والخطا اللي جابهم عين الصواب... ...


مبطي وانا اشوف الطمع يكشف رداهم واستره... ...


ما يملي عيون الحسود بهلزمن غير التراب... ...


ومن ما يتوب من الخطا تحرم عليه المعذره... ...


اللي من اولها خراب اكيد تاليها خراب... ...


والبندق اللي ما يثور فيه هدفها تذعره... ...


ودك لا من جاتك الغلطه من الناس القراب... ...


الصاحب اللي ما كسبت مودته ما تخسره... ...









مشكلتي اني ما عرفت احسب لصدتهم حساب... ...


قلدتهم صدري على ذكرى قصيد وحنجره... ...


صوت يصون بمنبره وخطاب ما مثله خطاب... ...


والطيبه اللي زعزعت صوت الخطيب ومنظره... ...


ما في دمع صوبوه احبابي بوجهي وخاب... ...


ولا زرق حزني على غالي ولا فج انحره... ...


كل الزهاب اللي معي ذكرى من اصحاب الزهاب... ...


واللي بقالي من عذاب اشرس طريقي واخطره... ...









لاني تجنبت الغرق عديت من فوق السحاب... ...


لانه اكثر اصحابي ورق ما شفت للطيبه ثمره... ...


والله ماحطيت بين الخوه والحقد حجاب... ...


حتى غدوا ربعي يحدوني على الضيق اشكره... ...


البارحه ثارت علي رقاب وواوتني رقاب... ...


البارحه يا ثقل دم البارح ويا محقره... ...


اهب يا وجه الحسد وشلون جمعهم وغاب... ...


كيف السنين اللي عطتني بعثرتهم بعثره... ...









عثر المصايب ما تجيك الا من الناس القراب... ...


وبهلزمن حتى الخوي اللي تثق فيه احذره... ...


لا بارك الله في رفيق تزعله كلمة عتاب... ...


ولا جمع الله الرجال اللي تفرقهم مره... ...


عودت نفسي كل ما شددت للهمه ركاب... ...


ما صد وجهي عن طريق الا اذا جبت خضره... ...


الصاحب اللي ما يجي من صحبته غير العذاب... ...


نذر علي ان ما هجرني ولا انا اللي بهجره... ...


من يفتح لفرقاي باب افكله عشرين باب... ...


واذا خويي ما يقدر خوتي ما قدره... ...


ان روحوا فانا بري منهم ليوم الحساب... ...


وان جرحوا قولولهم ما حركوا فيي شعره... ...


شفهم لهم حول السنه ولا خذو مني جواب... ...


احسن دوا للي يستفزك تحقره... ...


انا جمعت اوراقهم بكتاب واغلقت الكتاب... ...


ياوقت لم اللي تلمه وانثر اللي تنثره... ...


ماكنت احاتيهم صغير عاد احاتيهم شباب... ...


اذا ما ذخرني صاحبي لليوم الاسود ما اذخره... ...









عقب اكتئاب البارحه ما عدت انا حمل اكتئاب... ...


الطيب جرجرني وانا ماني بناقص جرجره... ...


اللي يخاف من الظما يتركلنا برد السراب... ...


واللي ما هو بقد الظلام ووحشته لا يسهره... ...


انا تجرعت الظما لين احترق وجهي وذاب... ...


انا كسرت بخاطري قبل الصداقه تكسره... ...


انا خسرت اللي غيابه غير عن كل الغياب... ...


انا غفرت لعالم ما تستحق المغفره... ...


انا اكثر انسان تعلم من كثر ما اخطا وصاب... ...


انا اخر لسان تكلم في زمان الثرثره... ...


انا القصيد اللي نزع من دفتره مليون ناب... ...


وانا الوحيد اللي جمع مليون ناب بدفتره... ...









جفني وجرحه السهر حيلي وهدته الصعاب... ...


دمعي هدر ضحكي ندر عمري وضيعت اكثره... ...


شيبت بعقول العرب هيبت روس ما تهاب... ...


جمهرت ناس عمرهم ما يعرفون الجمهره... ...


ما صرت ذيب الا لانه اللي حواليني ذياب... ...


ما كنت اغيب الا لانه العفو عند المقدره... ...


ترا حلاتك لا حملت لصاحبك كلمة عتاب... ...


ان ما نطقت بها بوجهه ما تذمه بظهره... ...


بهلزمن ما يملي عيون الحسود غير التراب... ...


والا الحضيض الطلقه اللي ما تصيبه تذعره... ...


ودك اذا جاتك الغلطه من الناس القراب... ...


الصاحب اللي ما كسبت محبته لا تخسره... ... ... ... ... ... ...

يسلمج ربي ويخليج ..

نورتي بمروركـ ..

لآ عدمنآ هالطلهـ ..