البــارحـ ..

البــارحـ ..

عسى ما زعلتك البارح وزودت الجراح جراح
عسى ما مرت الدمعة على أهدابك من أسبابي

جرحتك من كثر شوقي وخليت الكلام رماح
ولا دري شلون يا عمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوا بي

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا وامتلي اشباح
وأنا انثر صوتك بقلب المكان واشعل ابوابي

تلفت للأمل دام الرجا في عمري الملواح
أناديلك ولو شرهة وصولك تقطع اعصابي

أبيك الجاي من عمري انا مابيك شي وراح
مدامك اجمل وآخر مدامك اول احبابي

ابي ارتاح يا عمري انا ادري هم تبي ترتاح
تعال وقبل ما افرح ترى تفرح بك ثيابي

احبك يا بعد عمر الحزن والجرح والأفراح
احبك كثر ما نامت عيونك داخل أهدابي

....تسلمين و المقطع اليي اخترتيه عجبج وآآيد حلوو ذووق ,,,

تسلمين على المرور ..,,

نورتي ..,,