همي و الأوراق ....
البارحة مابين همي والأوراق ..
جر القلم طاروق حزن يسليــــه
وإسترسلت أبيات شعري من أعماق ..
الموقف اللي مر وأزريت أعديه
موعد لقاء مبني على نية فراق ..
كان الأخير وضيق الصدر طاريه
ولاهي غريبة لو أقول الصدر ضاق ....
لكن الأغرب كيف ما بودعه فيه
كانت دموعه تختنق بين الأهداب ..
ونظرات عيني تقتله ثم تحييه
كني جلست أعلمه كيف يشتاق ..
وكنه يعلم شعري شلون يرثيه !!
شح الزمن بموادعه والمساء ساق ..
حزن القصايد والعتب والمشاريه
يا ليل والله ماوراء ليلك إشراق ..
النور عانه يسحبه في خطاويه
عشاق قلي ليش أو أيش عشاق..
إلا ضحايا وقت مدري شـ أسميه
يقطع سنين العشق يا درب الأشواق ..
ياليت بإيدي شي وأقدر أسويه
موضوع: همي و الأوراق .... 
الخميس سبتمبر 25, 2008 12:34 am
