قصيدة (شعر وأحساس)

كل كلمة شعر معناها الأحساس
واليعني الأحساس يكون شاعر
ردت اكتب شعر ماأكتب احساس
لگيت احساس خالي امن المشاعر
شعوري بيا شعور وبيك مضلوم
تجبره شلون للمكسور خاطر
چنت شمعة امل ومحبتك ريح
هم شايف شمع وبريح صابر
جبتها وياك سچه بوحشة الليل
ليل جفاك يغفه وانه ساهر
ابدما حسبت في يوم اغتاض
اذا هيچ الامس ماريد باچر
نزف جرح الكرامه سنين وياك
اسايس عبرتي وبالظحكه اكابر
طفل گلبي اعله بابك ظايمه الظيم
جفيته وزين تعرف حبه طاهر
گبل شجرة صبر وجذورها الطيب
ابدماشفنه طعنات الخناجر
اشوهسه المصالح سابيه الناس
تبيع اليشتريها بلاضماير
نعم ندري الشكل والمال مرغوب
اليدور عالأصل مو عالمظاهر
بعض ناسك فقير بعزة المال
وبعظهم بالفقر صعدوا مناير
ويصح كافر تشوفه ومامش ذنوب
ويصح مؤمن تشوفه وهوه كافر
امس ردتك تمر بالطيف لحظات
وتشوف الكون عگبك ضال شاغر
اجور اعله القلم يتردد بغيض
گبل چان القلم يترس دفاتر
كتب لكن كتب بس كلمة( انساه)
ورسم چف الوكت للسيف شاهر

العفو ولوو حآآضرينن ..